J-3 aztarnategiari buruzko hitzaldiaren errepikapena, ostiralean
Itsas Etxea Auditoriumean egingo dute. Hilaren 16an, Kultur Etxean, 100 lagun inguru geratu ziren sartu ezinik.
Ostiral honetan, martxoak 2, errepikatuko dute Jaizkibelgo J-3 aztarnategiari buruz hilaren 16an Kultur Etxean emandako hitzaldia. Orduan, 100 lagun inguru sartu gabe geratu ziren eta oraingoan Itsas Etxea Auditoriumean egitea erabaki du Hondarribiko Udalak, 19:00etan. Hizlariak, Paco Etxeberria antropologoa, eta Alvaro Arrizabalaga eta Maria Jose Iriarte-Chiapusso izango dira; azken hau indusketa-lanen zuzendaria izan zen.
Euskal Herrian ezagutzen den hobiratze zaharrena da J-3 aztarnategian agertu zena. Juan San Martinek 1984an aurkitu zuen, baina 2003ra arte ez zuten indusketa egin. Aurkitutako laginen analisiek emaitza harrigarriak eman zituzten.
Irakurri 8.000 urteko denbora kapsula erreportajea
Duela 8.300 urte inguru ehortzi zuten J-3ko gizakia, fetu-jarreran
Erlazionatutako edukia8.000 urteko denbora kapsula
