Distantzia luzeko txapelketan domina gehien lortu dituen elkartea izan da Hondarribia Arraun: urrezko bost, zilarrezko bi eta brontzezko bat.
Zierbenatik oso gertu geratu zen Hondarribia Arraun, bi segundora
Hondarribia Arraun Elkarteak zortzi domina lortu zituen igandean Bilbon aulki mugikorreko distantzia luzeko Euskadiko Txapelketan. Negukoan, ontzi luzeak soilik lehiatzen dira, nesken bikoak eta laukoak, eta mutilen laukoak eta zortzikoak.
Hondarribiarrak 11 ontzi eraman zituen Bilbora, eta zortzirekin lortu zituen podiora igotzea, urrezko bost domina, zilarrezko bi eta brontzezko bat eskuratuz. Orotara, domina gehien lortu zituen elkartea izan zen Hondarribia Arraun.
Proba nagusian, gizonen zortziko seniorrean, bigarren geratu zen Hondarribia, Zierbenaren atzetik eta Oriori aurrea hartuz. Nesken Gazte Mailako 2x proban, lehen bi postuak lortu zituzten berdeek.
Hondarribiarren dominak
Urreak
- Junior mutilen zortzikoa.
- Junior mutilen laukoa lemazain gabe.
- Junior nesken bikoa lemazainarekin.
- Kadete gizonen laukoa lemazain gabe.
- Kadete nesken laukoa lemazainarekin.
Zilarrak
- Mutilen zortziko absolutua.
- Junior nesken bikoa lemazainarekin.
Brontzea
- Kadete mutilen laukoa lemazainarekin.
