Erregionaleko neskek 3-2 galdu dute liderarren etxean
Lehen itzulia bigarren bukatu du Hondarribia FE-k, lau garaipen, berdinketa bat eta porrot bakarrarekin. Hurrengo asteburuan atseden izango dute.
Ligako lehen porrota jaso du Erregionaleko taldeak, Lesakako Mastegi zelaian, Beti Gazte liderrarekin 3-2 galduta. Partidarik galdu gabe iritsi ziren bi taldeak lehen itzuliko azken jardunaldira, talde erasokorrena lesakarra izanik, eta gol gutxien jasotzen dituena hondarribiarra. Bi taldeen maila oso parekoa dela argi geratu zen larunbat arratsaldean, baina Hondarribiko taldeari irabazita, lidergoa berretsi dute lesakarrek (sailkapena).
Hurrengo asteburuan atseden izango du Hondarribia FEk. Lehen itzulia bigarren postuan bukatu du Ainhoa Iñarrak entrenatzen duen taldeak, lau garaipenekin, Touringekin berdinduta. Bigarren itzulian lehen postuetan jarraitzea izango da hondarribiarren helburua, txapeldunen faserako sailkatzeko.
Hondarribiko asteburuko kirol emaitzak
Lehen itzulia bigarren bukatu du Hondarribiak. Irudian, Santo Tomas Lizeoaren kontrako partida
