Erregionaleko neskek ez dakite galtzea zer den
Larunbatean Lezoko Allerruren kontra 1-1 berdindu zuten. Hurrengo partidan Beti Gazte liderra izango dute aurkari.
Lau garaipen eta berdinketa bat, galdu gabe jarraitzen du seniorren Erregional Mailako Hondarribia FE talde sortu berriak (ikusi sailkapena). Larunbatean Lezoko Allerruren kontra jokatu zuten eta bana berdindu zuten Hondartzako belar artifizialeko zelaian.
Orain arteko boladari eustea asko zailduko zaie asteburuan. Beti Gazte liderraren etxean jokatuko dute, Lesakan. Orain arteko bost partidak irabazi dituzte lesakarrek, eta aurkariaren ate ingurura asko hurbiltzen den taldea da; batez beste lau gol sartzen dituzte partidako, Hondarribiko taldearen kopuru bikoitza.
Hondarribiko taldeen asteburuko emaitzak
Hondarribiarrak, Allerrurekin berdindu eta gero (arg: Hondarribia FE)
