Zenbait aldaketa jai egitarauan, eguraldiagatik

Kalean egin behar ziren zenbait ekitaldi aterpera pasatu dituzte. Gipuzkoa plazan karpa bat muntatuko dute, Arma Plazako ikuskizunak bertara mugitzeko.

Asier Perez-Karkamo

Bidasoa

2017/09/07

Kemen Dantza Taldearen saioa da Gipuzkoa plazara mugituko dutenetako bat

Hilaren 9rako eta 10erako eguraldi oso txarra espero da eta, hori horrela, Hondarribiko Udalak zenbait aldaketa burutu ditu bi egun horietako jaietako egitarauan. Batetik, hilaren 9an bertan karpa bat jarriko dute Gipuzkoa plazan, eta Arma Plazan egin behar ziren hiru ekitaldi bertara mugitu dituzte: Kemen Dantza Taldearen saioa eta umorezko antzerkia (9an), eta Pantxoa Carrereren kontzertua (10ean). Horiek estalpean jarraitzeko aukera izango da, esan bezala, Gipuzkoa plazan jarriko duten karparen barruan. Eta bestetik, haur eta gazteentzako zenbait ekitaldi ere lekuz aldatu dituzte. Haur Parke Erraldoia eta binakako puzzleen jarduera Jostaldi pilotalekuan egingo dira. Eta 9an Butronen egin behar ziren moto lasterketak eta gaztetxoen gymkana Bentako karparen barruan egingo dituzte. Baserritarren Egunerako (hilak 11) eguraldiak hobera egitea aurreikusten da, eta hasiera batean ez da aldaketarik egun horretako egitarauan. Nolanahi ere, Gipuzkoa plazako karpa mantenduko dutela jakinarazi du udalak, behar izanez gero erabiltzeko. Aldaketak eginda, horrela geratzen dira hilaren 9ko eta Arrantzale Eguneko egitarau:

Hilaren 9ko egitaraua

Hilaren 10eko egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.