Bigarren Fenomena Rock, psikodeliaz blai

Lau talde, hiru DJ, tailerrak, eta piknika, Fenomena elkartearen plana urriaren 7rako. Eta bezperan, rock letrei buruzko Martxel Mariskalen hitzaldia.

Asier Perez-Karkamo

Hondarribia

2017/08/28

The Cubical talde ingelesa

Urriaren 7ko arratsalde-gauean egingo dute Hondarribiko Alde Zaharrean bigarren Fenomena rock jaialdia. Fenomena Kultur Elkartea da antolatzailea eta rock musika balioan jartzea du helburu. Lau kontzertu, hiru DJ saio, hitzaldi bat (bezperan), haurrentzako tailerrak eta piknik bazkaria antolatu dituzte, besteak beste. Guztia doan, eta denentzako irekita. Lehen ekitaldian bezala, rocka ulertzeko modu desberdinak uztartuko dira Fenomena jaialdiaren bigarrenean, baina, kartela ikusita, garage doinuen eta psikodeliaren presentzia oso nabaria izango da. Aurten itzuli diren Atom Rhumba bilbotar beteranoekin batera (15:00), Liverpooleko The Cubical (16:30), Parpaing 2.2 Hossegorreko hirukote sailkaezina (18:00) eta Alberto Garcia Roca murtziarraren Alien Tango proiektua (21:00) igoko dira taula gainera. Horiez guztiez gain, DJ saioak izango dira 12:00etan (Javi P3Z), 18:00etan (Susi Quiu) eta 22:00etan (El Gancho Sonidero). Urriko bigarren larunbatean iritsiko da Fenomena rock jaialdia Hondarribiko Alde Zaharrera. Bezperan, Martxel Mariskalen hitzaldiak berotuko du giroa. Let’s rock! Baina zer —eta nola— esan goiburuko hitzaldia prestatzen ari da idazle hondarribiarra urriaren 6an arratsaldez Kultur Etxean emateko Handiagoa, zabalagoa, nazioartekoagoa… eta psikodelikoagoa dator Fenomena jaialdiaren bigarren ekitaldia. Oraindik aste batzuk falta dira, baina komeni da plana garaiz egitea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.