Irungo Udala: "Errekorra hautsi duten festak izan dira"

Irungo Udalak festen lehen balorazioa egin dute

2017/07/04

Goazen-en emanaldia jendetsuenetakoa izan zen.

Irungo Udalak San Pedro eta San Martzial festen lehen balorazioa egin du. Kultura Saileko ordezkari Juncal Eizagirrek nabarmendu duenez, inoiz baino ekitaldi gehiago egin dituzte aurtengo festetan: 141. Antolatutako ekitaldien garapenarekin pozik dago udala. Baina bat jarri dute: ekainaren 28ko gauean izandako haizetea. Horrela, Mago de Oz eta Jamaica Show taldeen kontzertuak bertan behera utzi behar izan zituzten. Kontzertu horiek berriro antolatzeko aukeran pentsatzen ari direla jakinarazi du Eizagirrek. Ekitaldi jendetsuenak Eizagirrek hiriko eragileen lana nabarmendu du: “Dena ematen dute festak antolatzeko. Beren lana eta parte hartze prozesuak batuta, sanmartzialak gero eta parte hartzailegoak dira”. Horrela, 141 ekitalditatik, 58k eragileek antolatu dituzte. Jendetsuenak honakoak izan dira: Betti Gottik antolatzen duen bazkaria —1.700 lagun elkartu ziren—; Santiagoko Deabruek antolatu dituzten ekitaldiak edo Lagun Artean elkartearenak. Horiez gain, Ken Zazpi eta La Popteleraren kontzertuak, Go!azen-en emanaldia eta Gazte Guneko jarduerak ere aipatu ditu Kultura Saileko ordezkariak. Gainera, aurten lehen aldiz erabili diren edalontzi berrerabilgarriek izan duten harrera txalotu du. Guztira 14.440 atera dituzte.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.