4+4+4=Basque Market

Ezagutu asteburuan Itsas Etxean erakusketaria jarriko duten 12 sortzaileak. Larunbat eta igandez egingo dute II. Basque Market, egun osoz.

Asier Perez-Karkamo

Hondarribia

2017/05/30

Howdy taldea, iazko Basque Market azokan

Larunbat eta igandean, ekainaren 3an eta 4an egingo dute bigarren Basque Market azoka Itsas Etxean. Haurrentzako tailerrak, musika, ekintza osagarriak… baina batez ere azoka izango da Basque Market, kalitatezko sortzaileen merkatua. Aurten Hondarribia, Baiona eta Iruñea elkartzen dituen Creacity proiektuarekin bat egin du ekitaldiak, eta hiru hiri horietako bakoitzeko launa sortzailek edo sortzaile-taldek jarriko dute erakusketaria. Honakoak dira:

II. Basque Market. Sortzaileak

Igali Art (Hondarribia). Diseinuzko kamisetak eskuz margotuak.

Arti Sai (Iruñea). Osagarriak, lorez, txikizkakoz eta panpinez sortutako kakorratz-lanak.

Linda Clarini Bijoux (Seignosse, Okzitania). Maskor eta harriz neurrira egindako harribitxiak.

Las Pitxis (Iruñea). Motxilak, zorroak eta osagarriak.

Les soeurs pirates (Baiona). Zilarrezko artisau bitxiak eta harribitxiak.

Amaia Torres (Hondarribia). Ilustrazioak.

Korapilo (Iruñea). Eskuz egindako arropa esklusiboak.

Katxi Klothing (Baiona). Modu jasangarrian sortutako arropa eta osagarriak.

Apotheke (Iruñea). Birziklatu, zaharberritu eta berreskuraturiko altzariak.

Carlottas (Iruñea). Kalitatezko materialekin egindako haurrentzako artisau zapatilak.

Bale Urdina Tailerra (Hondarribia). Arte tailer-denda, askotariko arte lanak.

Oskarbi Kultur Elkartea (Hondarribia-Irun). Bidasoa eskualdeko idazle elkartea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.