[Galeria] Carmen Kaleko Bandera Algararentzat

Irrintzikoek gogor eutsi dioten arren, Algarakoak aurreratu egin dira hasieratik.

Olatz Mitxelena

2017/05/20

Puntalean hamarnaka zale iruindar elkartu dira, peñak animatzera.

San Fermin giroa itsasertzean. Horixe bizi dute gaur goizean Hondarribiko Puntalera hurbildu direnek. Iruñeko Algara eta Irritzi peñek desafio historiko bat zuten , eta gaur erabaki da, 400 metroko estropadan, eta Algarakoen aldera. Ez Barsa , ez Madril, I-rrin-tzi! beltzezkoak, eta Hara! Hara! Hara! Iruñeko Algara. Batzuk zein besteek gogotsu animatu dituzte beren taldeak. Musikariak ekarri dituzte, baita aldarriz bete pankarta koloretsuak, banderolak… Kresal usainarengatik ez balitz, Jarauta zitekeen. Estropadari begira, hamarnaka zale, desafioaren zirikatzaile nagusi Ketxus Ponce, eta bi gonbidatu berezi, Iruñeko alkate Joseba Asiron, eta Hondarribiko alkate Txomin Sagarzazu. Gustura biak, zale artean, herri giroan. Bandera ematera uretara irten dira elkarrekin, txalupan. Orain, kirol lehian galdutako indarrak berreskuratzeko, nola ez, mahaiaren buletan elkartu dira denak, Ola sagardotegian. Iruñeko aurkariak lagun, eta bitartekari, Hondarribi Arraun Elkartea, desafioan laguntzailea.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.