Zuberoako transmisioa lantzen duen 'Zuhainpeko soinuak' iritsiko da igandean Itsas Etxera. Musikarien artean, Jean Mixel Bedaxagar eta Juan Mari Beltran.
Zuhainpeko Soinuak ikuskizuneko musikari taldea. Argazkia: Oscar Oliva
Euskal Herriko produkzioari dagokionez, urrutira joan behar da Hondarribiko Itsas Etxeak duen programazioaren parekoa aurkitzeko. Euskaraz egiten diren ia film luze guztiak, antzezlan onenak, musika eta dantza emankizun nabarmenenak, eta kutsu komertzialagoa duen baten bat ere… Eta tarteka ekitaldi benetan bereziak ikusteko edo entzuteko aukera izaten da, esaterako, igande arratsaldean auditoriora iritsiko dena.
Zuhainpeko soinuak. Ahozko transmisioa Zuberoako herri-musika lantzen duen ikuskizuna taularatuko dute igandean Hondarribiko Itsas Etxea Auditoriumean. Ikuskizun musikala da, baina harago doa, tradizioari eta transmisioari gorazarre egiten baitio, musikaren zein ahozkoaren transmisioari. Eta musikaz, tradizioaz eta ahozko transmisioaz asko dakiten bi musikari izango ditu protagonista, Jean Mixel Badaxagar urdiñarbetarra eta Juan Mari Beltran oiartzuarra.
Musika ikuskizuna da Zuhainpeko soinuak, baina musikaren mugak gainditzen ditu. Ez da harritzekoa, Mireia Gabilondo eta Fernando Bernues baitaude ideiaren atzetik, biak ala biak, antzerkigintzan eta zinemagintzan eskarmentu handikoak. Musikariei dagokionez, aipatutako Bedaxagar eta Beltranen ondoan, Mixel Etxekopar, Mathieu Mendizabal, Sacha Standen, Pierre Vissler, Maider Ansa, Ander Barrenetxea eta Aitor Beltran.
Margolan kostunbrista baten modura, uda-gau bateko festa giroa irudikatuko dute aktore bilakatutako musikariek. Zuberoako betiko doinuak, gaurkotuak eta betirakotuak, fantasiazko ipuin musikatu baten itxuran taularatuak.
Igandean entzungo dira Zuhainpeko soinuak Itsas Etxean, 20:00etatik aurrera. Sarrera orokorrak 7 euro balio ditu eta 3 euro 18 urtetik beherakoena. Larunbatera arte (barne) Arma Plazako kultur gunean aurkitu daitezke, eta igandean Itsas Etxeko leihatilan, emanaldia hasi baino bi ordu lehenago. Interneten ere eros daitezke, komisioa ordainduta.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
