[Galeria eta bideoa] Zanpantzar AEB-etatik etorri da

Zanpantzarrek ekarri ditu inauteriak Irunera, eta datozen egunean hainbat ekitaldi izango dira, potoloenak bihar.

2017/02/24

Zanpantzarrek Trumpen itxura hartu du 2017ko inauterietan.

Inauteriak hasi dira Irunen. Aurten, gainera, azken aldian jende askoren ahotan dagoen pertsonaia baten eskutik, gainera, Zanpantzar-Trump. Datozen egunetan kalez kale ibiliko da irundar guztiei gogorarazteko jaiak direla, mozorrotu eta giroaz gozatzeko aukera dutela. Alberto Anguera plazatik atera eta Colon pasealeku aldera jo zuen desfileak. Musikaz eta dantzaz beti zituzten bazterrak Zanpantza konpartsak eta Bidasoako Erraldoiek, gaitero, trikitilari, dultzainero eta udal kontserbatorioko ikasleak lagun zituztela. Azken geldialdia Zabaltza plazan egin zuten. Bertan, ohi bezala, Erraldoien Baltsa dantzatu zuten Bidasoako Erraldoiek. Jendea ugari gerturatu zen, eta txaloekin erantzun zieten dantzei. Inauterien barruko egunik potoloena biharkoa izango da. Batetik, baserri inguruetan puska biltzea egingo dute, eta herrian, berriz, bi ekitaldi nagusi izango dira: goizean, Euskal Inauteriak izango dira Kemen dantza taldearen eskutik, eta 300dik gora lagunek parte hartuko dute. Aurten, Luzaideko dantzak egingo dituzte. Arratsaldean, berriz, konpartsen desfilea izango da, eta 2.800 lagun aterako dira dantzara. Aurten inoiz baino konpartsa gehiagok parte hartuko dute, hemezortzik. Egitarau osoa hemen.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.