Malen Ruiz de Azuak urrea lortu du pertikan, Espainiako Txapelketan
4,05 metroko jauziari esker lortu zuen domina, Promesa Mailan.
Joan den asteburuan Promesa Mailako Espainiako Txapelketa jokatu zuten Madrilen, eta BAT Bidasoa Atletiko Taldeko atleta bat nabarmendu zen: Malen Ruiz de Azua. Urrezko domina lortu zuen pertikan, 4,05 metroko jauziarekin. Espainiako marka hausten saiatu zen 4,25 metroan jarriz listoia, baina jauzi onak egin arren, ez zuen lortu.
Jauzi hirukoitzean laugarren egin zuen, nahiz eta orkatilean mina eduki. Edonola ere, 11,98 metroko jauzia egin zuen, bere marka eta klubeko marka hobetuz.
Ibilbide bikaina egiten ari da Ruiz de Azua, Euskadiko Txapelketan ere bi urrezko domina lortu baitzituen pertikan eta jauzi hirukoitzean.
Podiumetik kanpo geratu ziren, Javier Mariscal, Nerea Sarriegi, Janire Fernandez eta Malen Martinez.
Gipuzkoako txapelketa absolutuan, bost urrezko
Pista estaliko Gipuzkoako Txapelketa jokatu zuten joan den asteburuan Anoetako belodromoan, eta BATek bost urrezko domina lortu zituen: Jose Mari Pesok 800 metroetan (1.56,24), Nerea Oiartzabalek altuera jauzian (1,57 metro), Mikel Ruiz pisu jaurtiketan (12,14), Junkal Etxegaraik 400 metroetan (58,23) eta Mikel Camponek pertikan (5 metro).
Horrez gain, bost zilarrezko domina eta brontzezko bat lortu zuten BATeko atletek.
Malen Ruiz de Azua (erdian), BATeko taldekideekin Espainiako Txapelketan.
