Gaur egingo dute Pedro Arranbideren omeneko hileta elizkizuna
Ostiralean hil zen La Salleko anaia. 2006an Urteko Kooperante Onena izendatu zuen Eusko Jaurlaritzak, Eritrean egiten ari zen lanagatik.
Pedro Arranbide La Salleko anai hondarribiarra hil zen joan den ostiralean, Donostian. 75 urte zituen, horietatik asko Afrikan igaro zituen, boluntario lanetan.
Jose Luis de Barrueta fundazioko presidentea zen Arranbide eta Afrikan 120 proiektu baino gehiago kudeatu zituen, Eritrean, Etiopian eta Kenian nagusiki. La Salleko anaiei lotutako Proyde-Proega gobernuz kanpoko erakundeko sortzaileetako bat ere izan zen hondarribiarra, eta erakunde horretako zuzendaria hamar urtez.
2006 urtean Eusko Jaurlaritzak Urteko Kooperante Onenaren saria eman zion eta 2014an Hondarribiko Udalaren omenaldia jaso zuen, “bere ibilbidea eta konpromezua goraipatzeko”.
Gaur egingo dute Arranbideren omeneko hileta, 19:00etan, Jasokunde eta Sagarrondoko Andre Mariaren Parrokian.
2014an Hondarribiko Udalaren omenaldia jaso zuen Arranbidek
