Telefonia arlokoak, kexen artean ohikoenak
Irungo KIUBen iaz 1.838 kontsulta jaso zituzten, 2015ean baino %15 gutxiago.
Irungo KIUBek 2016ko datuen berri eman du, eta, guztira, 1.838 kontsulta jaso dituzte. Kexen artean ohikoenak telefonia arloak izan dira, eta, segidan, energia, bankuak eta aseguruak, hurrenez hurren.
Erreklamazioen kopurua jaitsi egin da %15 iaztik, eta, oro har, aurrez aurre jarri dituzte kontsumitzaileek (%62), eta telefonoz %17k jarri dituzte. Geroz eta gehiago erabiltzen da emaila (%19).
Udaletik gogorarazi dutenez, kontsumo arloko zalantzak argitzeko tresna egokiena da KIUB, eta horregatik, erabiltzera animatu dituzte.
Mikromezuen lehiaketa
Urtero bezala, KIUBek aurten ere antolatu du Mikromezuen Lehiaketa, dagoeneko, bederatzigarren aldiz. Lehiaketa hori martxoaren 15eko Kontsumitzaileen Egunaren testuinguruan egiten dute, eta aurtengo gaia Kontaiguzu kontsumo arloko zure esperientzia da.
Gehienez, 140 karaktereko mezuak dira bidali beharko direnak, eta horretarako hainbat bide daude: emaila, whatsapp (607 77 11 73) edo Twitter (@irunconsumo).
KIUBen jasotako kexa ohikoenak telefonia arlokoak dira.
