Algortaren bisita jasoko du Txingudi Bertso Eskolak
Bertsotruk egitasmoaren barruan, bertso bazkaria egingo dute Erlaitz elkartean.
Larunbat honetan, hilak 11, bertso bazkaria izango da Erlaitz elkartean. Bertsotruk egitasmoaren barruan, Txingudi eta Algortako bertso eskolak ariko dira bertsotan. Bazkal ondoan (14:00etan hasten da) hasiko dira bertsotan.
Bertsotruk helduen bertso eskolen arteko harremanak sustatzeko asmoz sortutako egitasmoa da, eta bigarren ikasturtea du oraingoa. Bertso eskola bakoitzetik hiru bertsolari ariko dira kantuan. Txingudiko ordezkariak Urko Casado astigartarra eta Abel Zabala eta Iñigo Ugarte irundarrak izango dira; Algortakoak, berriz, Kerman Diaz, Paule Loizaga eta Unai Mendiburu. Gai jartzaile lanetan Adrian Arruti ariko da.
Bazkarirako txartelak 15 euroan jarri dituzte salgai, eta egunean bertan ordaindu beharko dela jakinarazi dute Irunabar bertso eskolako antolatzaileek. Aurretik, ordea, erreserba egin beharko da WhatsApp edo Telegram mezuak bidalita 685 72 75 39 zenbakira, hara deituta edota email bat igorrita.
Txingudi bertso eskolako Iñigo Ugarte eta Abel Zabala bertsolariak.
