17.345 txartel, eta 400etik gora opari zozkatzeko

Hondarribia-Katsikas Boluntario Taldeak zozketa erraldoia egingo du maiatzaren 22an. Dirua bildu nahi dute errefuxiatuen aldeko proiektu bat abiatzeko.

Asier Perez-Karkamo

Hondarribia

2017/02/06

17.345 txartel saldu nahi dituzte, herritar bakoitzeko bat

Hondarribia-Katsikas Boluntario Taldea hasi da apirilaren 22an egingo duten elkartasun zozketa erraldoirako txartelak saltzen. 17.345 saldu nahi dituzte guztira, herritar bakoitzeko bat, euro batean bakoitza. Eta zozkatu, 400 sari inguru zozkatu nahi dituzte, herriko komertzio, taberna, gimnasio eta abarretan lortzen ari direnak —dagoeneko 300 inguru hitzartu dituzte—. Helburua, ahalik eta diru gehien bildu udaratik aurrera Grezian abiatu nahi duten egitasmo baterako. Asteburuan hasi ziren txartelak banatzen. Herriko saltoki askotan izango da erosteko aukera, eta kartel bidez adieraziko dute zein lekuetan saltzen diren errifak. Hondarribia-Katsikas elkarteko kideak ere ariko dira saltzen eta, lagundu nahi duenak ere, aukera izango du egiteko. “Agian lekuren batera ez gara iritsi, eta oparia eskiani nahi dute; edo norbaitek errifak saltzen lagundu nahi badu, edo beste zerbaitetan… jar daitezela gurekin harremanetan”, adierazi du elkarteak. Hondarribia-Katsikas Boluntario Taldearekin harremanetan jartzeko modurik onena posta elektronikoz idaztea da. Bestela, astelehen arratsaldero Kultur Etxeko 213 aretoan biltzen dira, 16:30etik 19:00etara.

Irakurri erreportajea: Tokatu ala ez, denak garaile

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.