Puntu bat gutxi da, baina agian balio dezake

Ohorezko Mailako taldeak bana berdindu du etxean Vasconiaren kontra. Aurkariek ez dute hutsik egin, soilik Aloña Mendik galdu du.

Asier Perez-Karkamo

Hondarribia

2017/01/30

Bigarren gola lortzeko aukerak izan ditu taldeak, baina sartzea falta izan zaio

Hondarribiak berdinketa baino ez zuen lortu larunbatean Vasconiaren kontra. Garaipena behar zuen taldeak baina, saiatu arren, ezin izan zuen eskuratu. Orohar, partida ona egin zuen taldeak, txukun defentsan eta une askotan baloiaren jabe izanez. Gol aukerak sortu zituen ere, baina ezin bigarren golik egin. Taldearen beharrak ikusita gutxi dirudi berdinketa, baina okerrago izan zitekeen galtzea. Gainera, jokalarien jarrera ikusita berandu gabe iritsi beharko luke garaipen hori eta une horretan zaleen bultzada nabariagoa izango da. Aurkari zuzenei dagokienez, Aloña Mendi izan da asteburuan galdu duen bakarra. Elgoibarrek, Ostadarrek eta Martutenek berdinketa lortu zuten, eta Beti Gaztek irabazi. Martutenek jarraitzen du azken tokian 9 punturekin, 14 ditu Hondarribiak, 17 Beti Gaztek, 18 Ostadarrek eta Aloña Mendik eta 21 puntu Elgoibarrek. Datorren jardunaldian Deban jokatuko du Hondarribia FEk, Amaikak Bat taldearen kontra. Multzoko erdialdean daude debatarrak, 30 punturekin. Garaipenaren bila joango dira hondarribiarrak, baina ez galtzeak ere balio lezake. Hori, denboraldiko azken txanpan ikusiko da.

Hondarribiko asteburuko kirol emaitzak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.