Ehun mila eurotik gora elkartasun proiektuentzat
Hondarribiko Udalak Asia, Afrika eta Ertamerikan lanean diharduten 17 erakundeen proiektuak diruz lagunduko ditu.
Gobernuz kanpoko 17 erakundek Hondarribiko Udalaren diru laguntza jasoko dute 2017an proiektuak aurrera eramateko. Orotara, 103.500 euro banatuko du haien artean udalak, eta Bolivia, El Salvador, Mexiko, Nikaragua, Guatemala, Etiopia, Rwanda, Burkina Faso, Benin, Togo, Irak eta Indiara iritsiko da diru hori.
Arantxa Berrotaran Gizarte Zerbitzuetako zinegotziaren arabera, udalarentzat “ezinbestekoa” da diru laguntza horiek banatzea: “Garrantzi berezia eman nahi diegu Gobernuz Kanpoko Erakundeek egiten duten lanari. Lan bikaina egiten dute, azken bizpahiru urte hauetan Butroi Pasealekuan egindako jardunaldian ikus ahal izan genuen moduan”.
Afrika, Asia eta Ertamerikan lanean diharduten elkarteek jasoko dituzte laguntzak
Diru-laguntza jasoko duten proiektuak
- Taupadak Elkartea. Bolivia (Beni-Tipnis). Ur edangarria eta oinarrizko saneamendua, ama-haurren heriotza deuseztatzeko eta Chiman indigenen osasuna zaintzeko. 6.776 euro.
- Chiapas Enea. Mexico (San Cristobal de las Casas). Chiapaseko jatorrizko emakumea gaitzeari begirako garapen turistikoa. 7.100 euro.
- Txingudi Vida. Burkina Faso (Kamboice). Txingudi Eskola – Cantina Papillote eraikitzea eta eguzki plakak jartzea. 6.760 euro.
- Elan Euskadi. Nikaragua (Ulpiano Vigi-Escalera). Nikaraguako Beka-Fondoa 2017. 11 ikasleren matrikula eta unibetisitate tasak ordaintzea. 4.000 euro.
- Lankidetzarako Ingeniaritza. Benin Errepublika. Lehen Hezkuntzako ikastetxea Boko hirian. 4.500 euro.
- Mugen Gainetik. Guatemala. 4 Distrituko emakumeek, hiri segurua eta indarkeriarik gabeko hiria sustatzen dute Limaren hegoaldean. 5.349 euro.
- Emigrad@as sin fronteras. Irak herrialdeko Kurdistan. Elikagaiak, oinarrizko osasun arreta eta laguntza psiko-soziala ematea gizon, emakume eta ume siriar eta kurdu errefuxiatuei. 4.500 euro.
- Behar Bidasoa. Rwanda. Nekazaritza eta abeltzaintza jarduerak sendotzea eta Kabugako garapen eremuan Bjogas teknika satizea. 7.100 euro.
- Gipuzkoako Oskar Romero Solidaritate Batzordea. El Salvador (Ahuachapan). Tabuka herrialdeko nekazaritza arloko emakumeentzat diru-sarrerak sortzea ekonomia solidarioaren ereduaren barruan. 4.500 euro.
- Gure Laguntza. India (Bardipada-Surat). lraultza Zuria, haurdun dauden eta ama diren emakumeentzako elikadura. 7.100 euro.
- Abay Nilo Azul. Etiopia (Oronia, Walmara Distritua, Gaba Kemisa). Hezkuntza azpiegiturak eta nesken eskola kluba zabaltzeko proiektua. 7.000 euro.
- Calcuta Ondoan. India (Mendebaldeko Bengala, distrituak: South 24 Parganas, Burdwan, Hugli u West Mindnapur). Argi-emakumeak, genero rolak puskatzen proiektua. 4.500 euro.
- Proyde-Proega Fundazioa. Benin Errepublika (Atlantiko Departamentua, Akassato, Calavi). Akassaton eremuko gazteei kalitatezko formazio profesionalerako eskaintza. Batxilergoko lizeoa eraikitzea. 5.500,00 euro.
- Adoc karitatezko lanen elkartea. Guatemala (Nueva Santa Rosa). Lehen mailako arreta. 6.200 euro.
- Denok Osasunaren Alde DOA. Bolivia (Beni Departamentua). Osasun Sistema indartzea, laguntza eta formazio alorrean. Traumatologia misioa. 7.100 euro.
- Manos Unidas. Togo. Kara lurraldeko nekazaritza eremuan ur edangarrirako eskuragarritsuna hobetzea (III. zatia). Zulatutako putzuak eraikitzea, babes plataforma eta informazio-plakarekin hornituta. 5.500 euro.
- Derandein Fundazioa. Etiopia (Meki). Let Children Have Hone umezurztegi eta haurtzaindegian hauskortasun egoera larrian dauden umeen oinarrizko eskolaratzea eta arreta hobetu eta sustatzea. 4.500 euro.
- Bakerako Lankidetza Batzarrea. Guatemala (Ojer Caibal, San Jose udalerria). Laguntzea oinarrizko kontsumoko nekazaritza biziberritzen, eta elikagaiekiko eskuragarritasuna, egonkortasuna eta kalitatea hobetzea. 5.500 euro.
