Egiptoko arkeologiari buruzko ikastaroa eskainiko du Oiassok
Gaurtik aurrera aukera izango da izena emateko.
Gaurtik aurrera aukera izango da Oiasso museoak eskainitako Egiptoko arkeologiari buruzko ikastaroan izena emateko. Otsailetik maiatzera izango dira bi ikastaroak, eta bi talde izango dira: asteartetakoa (18:00etatik 19:00etara) eta ostegunetakoa (11:00etatik 12:00etara).
Ikastaro honetan Egiptoko arkeologiaren ezaugarri nagusiak ikasi ahal izango dira, dinastiaurretik Egipto helenistikora: historia (aro eta faraoi garrantzitsuenak ezagutaraziko dituzte), hileta mundua eta euren sinesmenak (momifikazioa, hildakoen liburua, mastabak, piramideak, Errege-erreginen Haraneko hilobiak), erlijioa (egiptoko mitologia eta tenpluak) eta eguneroko bizitza (ekonomia, ohiturak).
Hala nola, diapositiba bidez, aztarnategi eta altxor arkeologiko garrantzitsuenak erakutsiko dituzte, Tutankamonen hilobia, esaterako.
Izena emateko hiru bide daude: telefonoz deitzea (943 63 93 53), email bat idatzita edo bertatik azalduta. Matrikularengatik 65 euro ordaindu behar dira, eta izen ematea irekita egongo da plazak bete bitartean. Bi taldeetan 70na lagunentzako tokia dago.
Tutankamonen hilobia
