Epa! ikuskizunean euskal kulturak munduan izan duen eragina aztertzen dute, umorez
Demode Quartet abeslari taldeak umorea eta musika uztartzen dituen Epa! ikuskizuna taularatuko du larunbatean Hondarribiko Itsas Etxea Auditoriumean, 20:00etan. Joli Pascualenak, Mikel de la Fuentek, Iker Huitzik eta David Roscok osatzen dute laukotea eta Patxi Barco aritzen da gidoilari eta zuzendari lanetan. Ahots laukotea da Demode Quartet, baina abestu baino gehiago egiten dute, antzeztu, eta umorearekin zipriztintzen dituzte haien antzezkizunak.
2010ean sortu zen taldea, abesti ezagunetatik abiatuta a capella egindako moldaketak jasotzen zituena. Ikuskizunak arrakasta handia izan zuen eta abesti horiekin diskoa grabatu zuten ondoren.
Itsas Etxera Epa! ikuskizuna ekarriko dute, taldearen bigarren estreinaldia, disko formatuan ere kaleratu zutena. Lehenengoarekin alderatuta —euskarazko nahiz ingelesezko kantak hautatu zituzten—, euskarazko abestiak soilik biltzen ditu bigarren ikuskizunak: Bagare, Baldorba, Lau teilatu, Xalbadorren heriotzean, Maite zaitut, Ilargia, eta beste zenbait.
Kanta horiek abiapuntutzat hartuta, laukoteak euskal kulturak munduko beste kulturetan izan duen eragina aztertuko du, beti ere umorez. Hala, asko bidaiatu eta ikertu ondoren, honako ondoriora iritsiko dira: countrya, jazza, sanba, Bollywood edo Pop-modernoaren jatorria Euskal Herriko mendi, portu eta haranetan bilatu behar dela.
Formula arrakastatsua
Sortu bezain pronto arrakasta itzela lortu zuen Demode Quartet-ek. Epa! ikuskizuna, esaterako, 50 aldiz taularatu zuten lehen urtean bakarrik. Dudarik gabe, hutsune bat betetzen asmatu du taldeak eta ekitaldi garrantzitsuetan parte hartzeko deiak jaso dituzte: hala nola Basque Culinary Centerren inaugurazioan edota Donostia Zinemaldiko galetan. Donostia 2016 Kultur Hiriburutzaren gala instituzionalaren arte-produkzioaz arduratu ziren eta Kursaalean egin zen Espainiako Sormen Sariak banatzeko galan parte hartu zuten.
Larunbatean iritsiko da Epa! Itsas Etxera. Sarreren prezioa 6 eurokoa da, eta 4 eurokoa 18 urtetik beherakoentzat. Gaur eta bihar Arma Plaza kultur eta turismo gunean eros daitezke eta larunbatean Itsas Etxeko leihatilan, emanaldia hasi baino bi ordu lehenago. Interneten ere salgai daude, Kutxabanken atarian.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
