Olentzerok ilusioa piztuko du gaur Irungo kaleetan
Olentzeroren urteroko desfilea egun bat aurreratu dute. Ohi bezala, 17:00etan abiatuko da Alberto Anguera plazatik.
Egun bat aurretik etorriko da Irunera Olentzero. Urteroko desfilea egun bat aurreratu dute, eta aurten, gaurko egunez, 23arekin, egingo dute.
Olentzero Alberto Anguera plazatik aterako da, 17:00etan. Ondoren, Oiartzun, Hondarribia, Zubiaurre eta Geltoki kaleak igaroko ditu, eta hortik Colon pasealekura sartuko da honako ibilbidea eginez: Txanaleta geltokia, Topoko geltokia, Irungo kasinoa eta Foru kalea). Desfilea udaletxeko arkupeetan bukatuko du, eta 18:00etatik aurrera, haurren gutunak jasoko ditu, 21:00ak arte.
Desfileko gurdia espresuki horretarako prestatuta egongo dela aurreratu du udalak. Olentzeroren desfilea antolatzen dute udalarekin batera Betti Gotti euskara elkarteak, Santiagoko Deabruak, Trikitixa Eskolak eta Txorimaloak Soinu Taldeak.
Olentzerok eskutitzak jasoko ditu.
