Euskara protagonista izango da egunotan Irunen
Euskararen Egunaren harira, hainbat ekitaldi antolatu dituzte datozen egunetarako Irunen, besteak beste, gazteen mintzodromoa.
Euskararen Egunaren harira, hainbat ekitaldi antolatu dituzte datozen egunetarako Irunen. Garrantzitsuenetako bat, Mintzodromoa, Irungo mugetatik kanpo egingo dute: bihar izango da, Donibane Lohitzunen. Edonola ere, ostiralean, Irungo Mendibil merkataritza gunean, Mintzodromo gaztea egingo dute.
Bertan, Hirubide, La Salle eta San Vicente de Pauleko DBH 4ko ikasleek euskara izango dute ahoan, 10:00etatik 12:00etara. Egun horretan bertan, Irantzu Epelde 2014ko Jose Antonio Loidi ikerketa bekaren irabazleak Irun-Hondarribiko gazteak hizketan: euskalkia eta euskara estandarra, gaur lana aurkeztuko du. Azkenik, ostiralarekin ere, Maitia non zira dokumentala eskainiko dute. Lehen mundu gerrako euskal soldaduen grabaketetan oinarrituta dago.
Larunbatean, Euskararen Nazioarten Egunean ere, hainbat ekitaldi egingo dituzte, artisau azoka izango da Euskararen Eguna Munduan lelopean. Egitaraua osorik, behean.
Adierazpen instituzionala
Irungo Udaleko bozeramaileen batzordeak Euskararen Eguneko adierazpen instituzionala onartu duela jakinarazi du Josune Gomez udaleko Euskara ordezkariak. Adierazpena aho batez atera da aurrera.
Egitaraua
Bihar- 19:30: Mintzodromoa, Donibane Lohitzuneko Maurice Ravel aretoan.
- 10:00-12:00: Mintzodromo gaztea, Mendibil Merkataritza gune kafetegian.
- 18:30: Irun-Hondarribiko gazteak hizketan: euskalki eta euskara estandarra gaur hitzaldia, Irantzu Epelderekin, Amaia KZn.
- 20:00 Maitia non zira dokumentala, Amaia KZn.
- 16:00 eta 22:30ean: Igelak filmaren estreinaldia, Ocine mendibilen. Egunero egongo da ikusgai.
- 10:30-20:00: Euskararen Eguna Munduan azoka. Artisauak eta tailerrak, San Juan plazan.
- 12:00: ZooZoom kale ikuskizuna, San Juan plazan.
- 20:00: Jendarte bidaide antzezlana, Atea Teatroa eta Aurreratu elkartearen eskutik, Amaia KZn. (Gonbidapenak turismo bulegoan, gehienez, lau sarrera, pertsonako).
- 21:30: Umorea, euskarazko monologoak, Jose Cruz Gurrutxagaren eskutik.
Euskararen Egunaren aurkezpena.
