Indarkeria matxistari ozen erantzuteko ekitaldi ugari, gaur, Irunen
Gaur, 19:00etan elkarretaratzea egingo dute Zabaltza plazan, eta ordu erdi beranduago manifestazioa aterako da.
Gaur, azaroak 25, indarkeria matxistaren kontrako eguna da mundu osoan, eta Irunen ere emakumeen kontrako eraso gehiago ez dutela onartuko adieraziko dute.
Ekitaldiak 17:00etan hasiko dira, eta Martindozenea Gaztelekuan Beldur Barik programaren barruko serigrafia tailerra egingo dute.
Hurrengo hitzordua 19:00etan izango da. Elkarretaratzea egingo dute Zabaltza plazan, eta bertan parte hartuko dute, besteak beste, udaleko ordezkariek.
Segidan, 19:30ean, manifestazioa aterako da San Juan plazarako bidean, TAS Txingudi Anti Sexistak antolatuta. Han performance bat egitea daukate aurreikusita, eta gero, berriro Zabaltza plazara abiatuko dira, manifestazioa han bukatzeko.
Indarkeria matxistaren kontrako kartel bat Irunen, azaroaren 25ean.
