Banderen bedeinkapenaekitaldia egingo dute bihar. Maria Pilar Lazkanotegi izango da ekitaldiko ama ponteko.
Taldea Santa Maria Atera iristen, iazko ekitaldian
Bihar, larunbatez, Hondarribia Arraun Elkarteak denboraldian irabazitako banderen bedeinkapen ekitaldia egingo dute. Orotara, hemezortzi bandera paseatuko, aulki mugikorrean eta trainerilletan lortutako bana, eta lehen traineruak lortutako hamasei, horietako bederatzi San Miguel Liga barrukoak. “Urte bikaina izan da, eta lortutako bandera guztien artean hiru nabarmentzen dira, hiru txapelketetan lortutakoak, Gipuzkoakoa, Euskadikoa eta Estatukoa”, adierazi du arraun elkarteak.
12:15ean hasiko da ekitaldia, elkarteko egoitzan. Abiyuan fanfarrearen atzetik, arraunlariak, elkarteko arduradunak eta arrantzale kofradiako kideak abiatuko dira. Udaletxera iritsita, Udalbatza batuko zaie, eta hortik parrokiara hurbilduko dira, bedeinkapen ekitaldirako.
Pilar Lazkanotegi izango da aurtengo ekitaldiko ama ponteko. Zuzendaritza taldeko kide Andre Ribes zenaren emaztea da Lazkanotegi, eta arraun elkarteak modu horretara izan du gogoan Ribes.
Urrezko intsignia, Aznarri
Mezaren ondoren, Arrantzaleen Hermandadera joango da taldea, Portuan zeharkatuta, eta bertan utziko dituzte banderak, Kofradiak zaindu ditzan.
Jarraian, arrain elkarteko kideek bazkaria egingo dute Alameda jatetxean. Bazkalostean Ekaitz Aznar arraunlariak Hondarribia Arraun Elkartearen urrezko intsignia jasoko du, berdez jantzita 18 urte egin berri dituelako. 12 urterekin hasi zen Aznar klubean, eta azken zortziak lehen traineruan eman ditu.
Bihar paseatuko dituzten banderak
- Jubenil Mailako Gipuzkoako Aulki Mugikorreko XV Liga
- Trainerillen XXXIII San Telmo Saria, Zumaian
- San Pedroko VIII. Traineru Testa
- Leketioko XXXVIII Ikurriña
- VII Bandera Iberdrola
- Mutrikuko XVII. Ikurriña
- Gipuzkoako Traineru Txapelketa
- Euskadiko Traineru Txapelketa
- Espainiako Traineru txapelketa
- Euskadi Basque Country IV. Bandera (TKE)
- Astilleroko XV. Bandera (TKE)
- XXVI. Orioko Estropadak (TKE)
- VI. Euskolabel Bandera Euskolabel (TKE)
- VII. Bilboko bandera (TKE)
- Getxoko Estropaden XXXVIII. Ikurriña (TKE)
- Gipuzkoako Foru Aldundiaren Bandera (TKE)
- XXXII. Zumaiako Ikurriña (TKE)
- IV. Caixabnk Bandera (TKE)
