Hondarribia FE, behera begira
Sailkapeneko azken aurrekoaren kontra galdu du etxean.
Hondarribia FEko Ohorezko Mailako taldeak beste porrot bat jaso zuen larunbatean Hondartza futbol zelaian, eta mina ematen duten horietakoa, gainera. Izan ere, jaitsiera postuetan dagoen Aloña Mendik eraman zituen hiru puntuak Hondarribitik (0-1).
Urteko hirugarren porrota da etxean, eta sailkapenean behera begira jarri da taldea. Azken sei partidatan bi puntu baino ez ditu lortu eta zortzigarren postutik hamabosgarrenera jaitsi da. Une honetan, hiru talde baino ez ditu atzetik, Ostadar, Aloña Mendi eta puntu bakarra duen Martutene.
Putzutik ateratzeko puntuak pilatzen hasi behar da Hondarribia FE, hurrengo asteburutik hasita. Arrasaten jokatuko dute berdeek, seigarren dagoen Mondragonen kontra. Ez da partida erraza izango, atea erraz aurkitzen duen taldea baita arrasatearra.
Gol gutxi jasotzen ditu taldeak, baina bolada txarrean sartuta dago
