Aurrekontu parte hartzaileak hobetzeko lan egingo duela esan du EAJk
Nahiz eta herritarren parte hartzea espero baino txikiagoa izan dela onartu, EAJk aurrekontu parte hartzaileak "modu positiboan" baloratu ditu.
Nahiz eta herritarren parte hartzea espero baino txikiagoa izan dela onartu, EAJk aurrekontu parte hartzaileak “modu positiboan” baloratu ditu: “Erakunde publikoak hiritarrengana gerturatzeko apustu sendoa egiten dugu, politika publikoen garapenean parte hartzera bultzatuz”. Talde jeltzaleak aurrekontu parte hartzaileen beharra nabarmendu du, baina, era berean, horiek hobetzeko lan egingo duela esan du.
EAJren arabera, parte hartze presentziala “eskasa” izan da, eta “denon artean hiria sortzeko erakusten duen ilusio ezak” kezkatzen duela gaineratu du. Hala ere, sareetan parte hartzea hobea dela esan du, nahiz eta aurten ere horrek behera egin.
Bestalde, aurkeztu diren proposamenek hiriak dituen benetako beharrak ez dituela islatzen esan du: “Arreta pizten du, esaterako, bertako ekonomiari dagokionez, bi proposamen baino ez jaso izanak; ongizateari dagokionez beste bi eta hezkuntzaren inguruan bakarra”.
“Onartzen dugu agian egun mantentzen den prozesu parte hartzaile hauen garapena ez dela egokiena”, adierazi du talde jeltzaleak, eta horren inguruan gogor lan egiteko konpromisoa hartu du, “baita metodo eta bide berriak aztertzekoak ere”.
Udaletxe aurrean hitz egin du gardentasunaz eta parte hartzeaz Iridoyk
