Susana Ferreirak egin du Bidasoko margolanik onena
Abenduaren 23ra arte margolan erakusketa ikusteko aukera izango da Bidasoko Interpretazio Zentroan.
Abenduaren 23ra arte margolan erakusketa ikusteko aukera izango da Bidasoko Interpretazio Zentroan. Ibai izena duen eskualdea margolan lehiaketan aurkeztu diren lanekin osatu dute bilduma. Irabazlea Susana Ferreira Dominguezek egindako margolana izan da.
Lo que el río vió lanagatik lortu du 500 euroko saria, eta Ernesto Larrarte Parrondok aipamen berezia jaso du Entre dos aguas obragatik.
27 izan dira aurkeztutako obrak, eta Bidasoa ibaia eta haren bokalea landu behar izan dituzte. Lehiaketa Bidasoa Txingudi partzuergoak antolatu du.
Susana Ferreira Bidasoa-Txingudi partzuergoaren eskutik saria jasotzen.
