Lau jardunaldi jokatuta, sailkapeneko goialdeko multzoan kokatu da Hondarribiko taldea.
Lau partida jokatuta, hiru irabazi eta bat galdu ditu Express Hondarribia Ikasbasket saskibaloi taldeak. Iaz, estreinako urtean emakumeen Lurraldeko Ligako lauko finala irabazita, 2. Euskal Ligara igotzea lortu zuten hondarribiarrek, eta indartsu hasi dute maila berrian.
Larunbatean garaipena lortu zuten Lizarran Proyecta It Oncinedaren kantxan (55-64). Garaipen horri esker, Hondarribiko taldea
sailkapenean lehen postuan da Getxo, Aranguren, Promete eta Navarro Villoslada taldeekin hiru garaipenera berdinduta.
Hurrengoa, etxean
Bosgarren jardunaldian etxean jokatuko du Ikasbasket taldeak, Sensitec Navarro Villosladaren kontra. Multzoko talde indartsuenetako bat da iruindarra; orain arte hiru partida jokatu ditu —hirugarren jardunaldian atseden izan zuten—, eta hirurak irabazi ditu. Hortaz, zaleen laguntza garrantzitsua izango da etxekoek beste garaipen bat lor dezaten. Hondartza kiroldegian izango da lehia, larunbatean, 19:30etik aurrera.