Txikienentzako musikarekin bukatuko da aurtengo Girabira
Bi kontzertu eta musika tailerrak egingo dituzte Mendibil parkean, picnica egin aurretik. Igandekoa bederatzigarren eta azkeneko saioa izango da.
Hilabetean behin jarduera kulturalak hiriko parke batera eramaten dituen ekitaldiak, Girabirak, azkeneko saioa izango du datorren igandean. Txikis del Bidasoa eta Ezmugak elkarteekin batera antolatzen du udalak.
Girabira iniziatibaren bederatzigarren saioa izango da, eta txikienei zuzenduta egongo da. Zehazki, Mendibil parkean bi talderen kontzertu eta tailerrak egingo dituzte datorren igandean. 12:30ean hasiko da da egitaraua, Uxue Urdin irundarraren emanaldiarekin. Ondoren, Petit Pop Asturiasko taldea ariko da. Familiarentzako pop musika freskoa egiten dute. Los conciertos de Radio 3 edo Disco Grande saioetan parte hartu dute.
Azkenik, musika tailerrak egingo dituzte, Skola Music eta Kuttuna Haur Eskolaren eskutik. 14:30ean hasiko dira. Picnic batekin bukatuko dute eguna. Etxetik janaririk eramaten ez duenak Sargia tabernaren ondoan eskuratzeko aukera izango du.
