Ion Areitio, Anberesko finalean (arg: UCI / Marko Patrizi)
Kostako zaio Ion Areitio hondarribiarrari 2016ko irailaren 25a ahaztea. Munduko Bike-Trial Kopako azken proba egin zuten asteburuan Anberesen eta ordura arte eskuetan zuen hirugarren postua hatzetatik ihes egin zion. Finalean ez zen fin ibili, baina zoritxarra ere izan zen, puntu bakar bategatik ez baitzen Munduko Kopako podiora igo.
Finalerdietan dena ongi joan zitzaion, seiko finalerako sailkatuz eta Lucien Leiser suitzarra brontzerako aukerarik gabe utziaz. Beste aurkaria, Dominik Oswald alemaniarra, Areitioren puntu berdinekin sailkatu zen finalerako. Sailkapenean 50 puntuko aldea zuen Areitiok Olwaldekiko, baina azken probak balio bikoitza du eta, hortaz, Oswaldek baino hobeto edo gertu geratu beharko zen hondarribiarra azken proban.
Puntu bakarragatik
Baina finalean Oswald hirugarren sailkatu zen (21 puntu) eta Areitio bosgarren, Koekoek nederlandarrarekin puntuetan berdinduta (23), baina atzetik (ikus finaleko kronika beheko bideoan). Hala, sailkapen orokorrerako 280 puntu lortu zituen alemaniarrak (760 puntu guztira), eta 60 gutxiago, 220 Areitiorentzat (750 guztira). . Anberesko finalean puntu bat gutxiago pilatuta, brontzea lortuko zuen Areitiok, 250 puntu pilatuta Oswalden aurretik geratuko baitzen.
Oswald gaztea —19 urte ditu— oso irregular aritu da aurtengo Munduko Kopan. Bost probetatik bitan baino ez da finalean sartu, baina Les Menuiresen ezustean irabazi zuen eta balio bikoitza zuen Anberesko proban hirugarren sailkatu zen. Horrek, eta puntu madarikatu batek, utzi dute hirugarren posturik gabe Areitio.
Hondarribiarraren disgustuaren parekoa ala handiagoa izango du Benito Ros nafarrak. Anberesera lehen postuan iritsi zen baina, finalean aspaldiko saio txarrena eginda, lehen postu hori galdu zuen, beste erakustaldi bat eman zuen Abel Mustieles aragoarraren mesederako. Anberesen bigarren izan zen Ros, eta postu horrekin konformatu behar izan du Munduko Kopako azken sailkapenean.
Anberesko sailkapena
Abel Mustieles. Finalean 7 zigor puntu. Sailkapenerako 400 puntu.
Benito Ros. 19. 320.
Dominik Oswald. 21. 280.
Rick Koekoek. 23. 250
Ion Areitio. 23. 220
Azken sailkapena
Abel Mustieles. 1.050 puntu..
Benito Ros. 1.000.
Dominik Oswald. 760.
Ion Areitio. 750.
Rick Koekoek. 670.
32. Gorka Susperregi. 243 puntu.
Azken berriak
Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.
Hasi saioa HITZAkide gisa
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
