Ardo eta perretxiko usainaren atzetik
Kasino Zaharrak Errioxara antolatu du hurrengo txangoa, eta upategi eta barrengorri landaketa bana bisitatuko ditu.
Pradejon herria (Errioxa) da Hondarribiko Kasino Zaharra Adinekoen Etxearen hurrengo jomuga. Urriaren 14rako txangoa antolatu dute bertara eta joaten direnak asetzeko moduko plana egin dute. Izan ere, upategi bat eta barrengorri landaketa bat bisitatuko dituzte. Bazkaldu, Azagran bazkalduko dute, Venecia jatetxean. Irteera goizeko zortzietan izango da, Zumarditik.
Txangoaren prezioa 28 eurokoa da, “autobusa, bisitak eta bazkaria barne”, eta pertsona bakoitzak bi lagunentzako tokia har dezake gehienez.
Atzo ireki zuten izena emateko epea eta, badaezpada, azkar ibiltzea komeni da, “lekuak amaitu arte” egongo baita zabalik. Ohi bezala, Kasino Zaharreko bulegoan egin behar da izen ematea, astelehen, asteazken eta ostiraletan, 10:30etik 12:00etara.
Europako barrengorrien %8a Errioxan ekoizten da.
