Denboraldi aurreko lehen partida galdu du Txingudik
Denboraldi aurreko hurrengo partida Atletikoren aurka izango du larunbatean, eta denboraldia urriaren 1ean hasiko du.
Urriaren 1ean hasiko da Euskal Liga, baina dagoeneko atera da zelaira Zaisa Txingudi. Denboraldi aurreko lehen partida jokatu du Bera Beraren kontra, eta 5-10 galdu zuen.
Txingudik nabaritu zuen Bera Berak aritu dela partidaren bat jokatzen denboraldi aurrekoan. Lehen zatia etxeko taldea nagusiago izan zen, baina Bera Bera jarri zen aurretik markagailuan entsegu batekin. Hala ere, atsedenaldiaren aurretik, Txingudik partida berdintzea lortu zuen.
Bigarren zatian, ordea, egoera okertu zitzaien bidasoarrei: Bera Bera hobeto jolasten hasi zen, eta errodaje falta nabaritu zuten. Bigarren entsegua egin zuen Donostiako taldeak, eta azkenean 5-10 bukatu zen partidua.
Hurrengo partida Atletikoren kontra jokatuko du larunbat honetan, Plaiaundin.
Denboraldiko lehenengo partida Arratikoren kontra jokatu du etxean, 16:30ean.
Txingudi Errugbi Taldea
