Onik aurkitu dute desagertutako gaztea
Nafarroako suhiltzaileek aurkitu dute Etxalarren. Atzo Donezteben ikusi omen zuten eta azken orduetan Bortzirietan ari ziren gaztearen bila.
Aurkitu dute atzoz geroztik Hondarribitik falta zen 16 urteko gaztea. Nafarroako suhiltzaileek aurkitu dute Etxalarren eta dagoeneko familiarekin dago. Atzotik ari ziren haren bila eta goizetik mezuak zabaldu dira sare sozialen eta komunikabideen bitartez, norbaitek gaztea ikusiz gero familiarekin harremanetan jartzeko esanez.
Bilaketa horren bidez, atzo Donoztebe inguruan ikusi zutela zabaldu da, eta Hondarribian hasitako bilaketa Bortzirietara zabaldu dute erreskateko zerbitzuek. Han, Etxalarren, aurkitu dute suhiltzaileek hondarribiar gaztea, eta, Hondarribiko Udaltzaingoak HITZAri baieztatu dionez, etxera ekarri dute.
