[Galeria] Euriak ez zuen guztiz zapuztu hilaren 9a

Goizeko zaparrada gogoratzeko modukoa izan zen. Baina arratsaldean argitzera jo zuen eta hondarribiarrak berriro atera ziren kalera.

Asier Perez-Karkamo

Hondarribia

2016/09/10

Kemen Dantza Taldearekin gozatua hartu zuten Arma Plazara hurbildu zirenek

Alardeko ajearen ondorioz, haurren eguna izaten da batez ere hilaren 9a. Baina goizean ezin izan zuten gozatu, zaparradaren ondorioz. Bat baino gehiago ezuztean harrapatu zuen, baita udala ere, ez baitzuten puzgarrien parke erraldoia Jostaldira mugitu, euriarekin hala egin ohi duten arren. Arratsalderako argitzera jo zuen eta, orduan bai, harresietara jo zuten txikiek, baita barraketara ere. Puzzleen eguna ere bazen atzo, eta Kemen Dantza Taldearen saioarena. Eta txosnen eremuan hiru kontzertu izan ziren. Patxuko Nice, Cobra, eta Chico Tornado eta Niña Coyote. Rock gaualdi bikaina eskaini zuten. Pena, hilaren 9a izanik, Benta erdi hutsa zegoela. Hilaren 10eko egitaraua

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.