Kasino Zaharra gazteentzako xake taula izango da ostiralean
Jaien barruan egingo den Hondarribiko Gaztelua Xake Aktibo Txapelketari lotutako ekitaldia izango da.
Marlaxka Xake Elkarteak 16 urtetik beherakoentzako I. Hondarribiko Jai Nagusietako Xake Jaialdia antolatzen dihardu. Ostiralean egingo dute, irailaren 2an, Kasino Zaharreko lorategietan. Hiru maila izango dira, 16, 10 eta 8 urtetik beherako jokalarientzat, eta asteazkenean itxiko dute izena emateko aukera. Telefonoz egin daiteke, 635 70 27 45 zenbakira deituta (Carlos), edo posta elektronikoz.
Hondarribiko I. Xake Jaialdia, herriko jaien barruan egiten den Hondarribiko Gaztelua Xake Aktibo Txapelketari lotutako ekitaldia da. Aurten, seigarrenez egingo dute jaietako xake txapelketa handia, paradorean.
Marlaxkako haurrak eta nagusiak, Kasino Zaharreko lorategietan jokoan
