Kiosera 10.000 euroko laguntza bidaliko du udalak
Hango errefuxiatuekin lan egiten duen Zaporeak egitasmoari bultzada eman nahi dio udalak. Egunero 1.300dik gora otordu banatzen ditu.
Greziako Kios irlan dauden errefuxiatuekin lan egiten duen Zaporeak egitasmoari bultzada emateko, Irungo Udalak 10.000 euroko larrialdi laguntza bideratuko du. Zaporeak Intxaurrondon sortutako egitasmoa da, eta eguneko otordu bero bat ematen die errefuxiatuei, Kiosen. Guztira, 1.400dik gora platera prestatzen dituzte.
Monica Martinez Lankidetza departamenduko ordezkariak jakinarazi duenez, laguntza hori urtero gordetzen dute larrialdi egoera bat gertatuz gero: “Gehien behar duten entitateei babesa emateko modu bat da, eta horren adibide da Kiosen egunero ehunka lagunek bizi dutena”.
Hitzaldia
Etzi, hilak 22, Zaporeak egitasmoko irundarrek euren esperientziaren berri emango dute. Hitzaldia Amaia KZn izango da, 19:00etan hasita. Euren kontakizuna egiteaz gain, bideo bat ere eskainiko dute, boluntarioek Kiosen egiten duten lana azaltzeko.
Udala nahiz Zaporeak egitasmoko boluntarioak aurkezpenean.
Erlazionatutako edukia"Errefuxiatuen etsipena maila gorenean dago"
