Irunen 250. urteurreneko programa herritarrek ere osatu dute
Datozen egunetan hasi eta urte amaierara arte hainbat ekitaldi prestatu ditu batzorde batek.
Urte hasieran, batzorde bat sortu zuten Irunen 250. urteurreneko programazioa egiteko, eta dagoeneko egin du bere lana. Hala, datozen egunetan hasi eta urte amaierara arte hainbat ekitaldi prestatu ditu. Egitarau horri udalak egindako egitarau ofizialari batu behar zaio.
Udalak jakinarazi duenez, batzorde horrek bi saio egin ditu, eta Kultura arloak bitartekari moduan aritu da, aurrekontua udalaren kargu egongo baita.
Horiek guztiak udalaren webgunean bisitatu daitezke, eta horrez gain, email bat jarri dute ekitaldien gaineko edozein zalantza kontsultatu ahal izateko.
Hauek dira egingo diren ekintzetako batzuk:
- Uztailak 16, 08:00etan: XIX. mendean liberalek zituzten gotorlekuetara bisita (lehen zatia). Endarlatsa, Pagogaina eta San Martzial inguruan, Carlos Rilova Jericoren historialariaren eskutik. Antolatzailea: Gipuzkoako Historialarien Elkartea, Erlaitz eta Irungo Mendizaleak.
- Uztailak 23-30, abuztuak 13-20 eta irailak 10 eta 17, 10:30ean: Udalaren bisita gidatua. Antolatzailea: Gipuzkoako Historialarien Elkartea.
- Abuztuak 6 eta urriak 2, 12:00etan: Udalaren antzerki bisita. Antolatzailea: Gipuzkoako Historialarien Elkartea.
- Abuztuak 27, 17:00etan: Bidasoa ibaiaren jaitsiera, piraguan. Antolatzailea: Santiagotarrak.
- Iraila hasiera: 1936ko sutearen argazki ibilaldia. Antolatzailea: Irun Foro XXI.
- Irailak 22, 18:00etan: Historias de un puente dokumentala, CBAn. Antolatzailea: Gipuzkoako Historialarien Elkartea.
- Urriak 1, 08:00etan: XIX. mendean liberalek zituzten gotorlekuetara bisita (bigarren zatia). Katea, Aranibar, Elatzeta eta Gaintxurizketako bunkerren bisita, Carlos Rilova Jericoren eskutik. Antolatzailea: Gipuzkoako Historialarien Elkartea, Erlaitz eta Irungo Mendizaleak.
- Udazkena: XVII. mendeko musikaren kontzertua. Antolatzailea: Irun Foro XXI.
- Udazkena: Tren txikitoren 100 urteak erakusketa, Palmera Monteroko hiritar zentroan.
- Udazkena: Irundarrak bihurtu ginenean. Irunen sorreraren 250. urteurrena, erakusketa, Palmera Monteroko hiritar zentroan. Antolatzailea: Gipuzkoako Historialarien Elkartea.
Irungo udaletxea
Erlazionatutako edukiaErakusketak eta hitzaldiak 250. urteurrena ospatzeko
