Irungo Erdialdeko Auzo Elkartearen gutuna: "Bere bizilagunak entzuten ez dituen alkatea"
“Irun Erdialdeko Auzo Elkarteak honakoa esan nahi du:
Cipriano Larrañaga kalearen berritze lanen helburua zen zonalde hori hiriko erdialdean hobeto txertatzea, gizarte bizitza, komertzioena eta herritarrena hobetuz. Horren harira, elkarte honek proposatu zuen bertako espaloi bat soilik zabaltzea, eta aldi berean, terrazen eremua mugatzea baldosa berezi batzuen bidez: horren bitartez terraza horiek ez lukete espaloi osoa hartuko, hau da, oinezkoek ez lituzkete bertatik ibiltzeko zailtasunak izango: lanekin, errepidetik joan beharko dute herritarrek, espaloitik beharrean, terrazengatik.
Gainera, kale horren bukaera aldeko peatonalizazioa ez dugu beharrezkoa ikusten, ez dugu ondo ikusten kalearen albo batean hondakinentzako 11 edukiontzi ezartzea. Ez al zuten esaten autoak kenduko zituztela, kalea ikusgarriago egiteko? Akaso, edukiontziak gardenak dira?
Alkate jauna, horrez gain, ez duzu, esan zenuen moduan, bertako bizilagunen babesik, ez zenuelako haiekin hitz egin. Guk bai, bizilagunekin hitz egin dugu, eta haiek 243 sinadura bidali zizkizuten zure egitasmoaren kontra zeudela jakinarazteko. Zuk zeure burua bakarrik entzuten duzu, herritarren iritzia ez duzu kontuan hartzen, eta haiekiko errespetu faltaz jokatu duzu, kontuan hartu gabe bizilagunen ongizatea: egun, kalean dauden ostalaritza guneengatik, lo egiteko zailtasunak dituzte bizilagunek, antsietatea dute, eta behin lanak bukatzen direnean terrazen eta ondorioz zaraten inbasioa jasango dute goizaldera arte.
Iruzurtuta sentitzen gara, udalak esan zigulako kalea berritzeko lanen helburua zela oinezkoek onurak izatea, eta aldiz, onura izango duten bakarrak ostalaritza sektoreko kideak izango dira, izan ere, denda txikiak desagertu egingo direlako zonaldean aparkatzeko tokirik ez delako egongo.
Zure proposamena inposaketa da, erdialdetik autoak kentzeko baina aldi berean enpresa pribatuentzako espazio publikoak sortzeko, helburu argiarekin: diru gehiago bildu. Erdialdea berritzeko egitasmoarekin ados gaude, baina ez denen dirua erabiltzen den lanen bitartez ekimen pribatua aberasteko iniziatiben alde.
