Hondarribitik Greziara abentura Itsas Etxean kontatuko dute
Katsikasen arropa banatu zuten boluntarioek hilaren 22an euren bizipenak konpartituko dituzte.
Hilaren 22an (asteazkena) jarri dute hitzordua. Egun horretan egingo dute kontakizuna Itsas Etxea Auditoriumean, Hondarribitik Greziara bilketa kanpainan bizitutakoak herritarrekin konpartitzeko unea iritsi da.
Emeki emakume elkarteak abiatu zuen kanpaina, eta kanpainan zehar aurreratu zuen kontakizuna egin beharko zela. Horregatik, Hondarribiko Udalaren laguntzaz, eskertza ekitaldia prestatzen ari dira.
Hilaren 22an izango da ekitaldia, asteazkenez, arratsaldeko zazpietatik aurrera. Datozen egunotan emango dituzte ekitaldiaren inguruko zehaztasun gehiago, baina garrantzitsuena aurreratu daiteke. Maiatzaren 2tik 7ra bitartean Katsikaseko errefuxiatuen kanpalekuan Hondarribian bildutako arropak banatu zituzten boluntarioek haien bizipenen kontakizuna egingo dute.
Emeki elkarteak bildutako arropa Katsikasen banatu zuten
