Iraunkortasuna Bioterran biltzen da

Gaurtik igandera arte, Bioterra produktu ekologikoen eta iraukortasunaren azoka bisitatzeko aukera izango da Ficoban.

2016/06/03

Bioterraza da Bioterra 2016ko berritasun nagusia.

Gaur goizean ireki dute Ficoban Bioterra produktu ekologikoen eta iraukortasunaren azoka. Igandera arte, etorkizun iraunkor bat eraiki ahal izateko hamaika adibide ikusi eta ezagutu ahal izango dira. Azoka egun osoan dago zabalik, gaur eta etzi 20:00ak arte, eta bihar, 21:00ak arte. Inaugurazio ofiziala gaur goizean egin dute, eta bertan izan dira, besteak beste, Jose Antonio Santano Irungo alkatea, Bittor Oroz Eusko Jaurlaritzako Nekazaritza, Arrantza eta Elikagaien Politikako sailburuordea, Jose Ignacio Asensio Ingurumen diputatua, Ander Sarratea Ficobako gerentea, Mikel Intxausti Kutxa Ekoguneko zuzendaria. Bioterrak Ficobako hiru pabilioiak bete ditu. Bakoitzean arlo bat landu dute: lehenengo pabiloiak, Geobat, gunegeobiologia, bioeraikuntza eta energia berriztagarriak jasotzen ditu; bigarrenak, Naturall, osasun eta ongizate arloko produktuak, eta hirugarrenak, Bioterra, nekazaritza ekologiko ziurtatutako elikagai, ehungintza eta kosmetika enpresak. Aurten laugarren gune bat ireki dute, Bioterraza. Bertan atseden hartu eta jan nahiz edateko aukera daukate bisitariek. Azoka handituz doa, eta aurten 190 erakusketari izango ditu. Bisitarien kopurua ere bide berean joatea nahi dute antolatzaileek.

Plastikoaren gehiegizko erabilpena ordezkatzeko ohiko materialak

Etxean egin daitekeen kandelen erakustaldia

Kotoi ekologikoz egindako haurtxoentzako arropa

Bizikleta estatikoan munduko edozein tokitan ibili daiteke

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.