Kontzertuak, musika tailerrak, familientzako piknika eta abar izango dira larunbatean Kasiko Zaharreko lorategietan.
Haurrek pop musikaz gozatzeko aukera izaten dute Txikimusika festan
Txikimusika jaialdiaren beste edizio bat egingo dute larunbat honetan Kasino Zaharreko lorategietan. Hondarribiko Udalak eta Txikis del Bidasoa eta Ezmugak taldeek antolatzen dute, eta 12:30etik 17:00ak bitartean egingo dute. Musika eta haurrak protagonista izango ditu aurten ere Txikimusikak, eta familia giroan gozatzeko aukera paregabea eskainiko du.
Zuzeneko emankizunak, tailerrak, eta musika ikasleen erakustaldiak bildu dituzte egitarauan eta, aurreko ekitaldietan bezala, ez da faltako familientzako piknika; hori bai, bakoitzak bere bazkaria eraman beharko du etxetik.
Carlos Sanchez Ezmugakeko kideak bidasoarrak animatu ditu Txikimusikara hurbil daitezen, eta haurrek haurrentzako musikaz harago doazen estiloak entzutea duen garrantzia nabarmendu du: “Ekimen honek aukera ematen du jende guztiak musika pop garaikidearekin gozatzeko. Haurren soinu banda aberastu nahi dugu, haur-musika bera gainditzen duten bestelako estiloak aurkeztuz. Txikimusikak haurrak helduen munduan barneratzen ditu gaur egungo musika adierazgarrien bidez, musika esperientzia estilo zehatz batera mugatu gabe. Zinez uste dugu beharrezkoa dela musika formazioa, eta heziketa sustatu egin behar dela txikitatik, modu ludiko eta parte-hartzailean”.
Egitaraua
- Kontzertuak: Indidxabak (folk-rock, Irun) eta The Longboards (surf, Bilbo).
- Djak: Mizu DJ eta IriDJ. Piknik ordua musika elektronikoz alaituko dute.
Indi
- Tailerrak: Musika tresnekin trebatzeko aukera Irungo Skola Musika eta Hondarribiko Lanbroa musika eskolekin: bateria, gitarra elektrikoa, baxua, txalaparta… Eta Kuttuna haur eskolak musika estimulazio goiztiarra lantzeko tailerra.
- Erakustaldia: Skola Musik eta Lanbroa eskoletako musika ikasleen erakustaldia.
