Patxi Moreno eta Ander Tafall bikain Euskadiko kirol jokoetan

I. Udaberriko Marlaxka Xake Txapelketak Irun, Hondarribia eta Hendaiako 14 urtez azpiko xake jokalariak elkartu ditu.

Asier Perez-Karkamo

2016/05/30

Patxi Moreno, Bilbon, partida bat hasi aurretik

Hondarribiko Marlaxka Xake Elkarteko Patxi Morenok eta Ander Tafallek lehen eta bigarren postuak lortu zituzten atzo Bilboko Txurdinagako kiroldegian egin ziren Euskadiko XXXIV. Eskolarteko Kirol Jokoetan, haurren mailan. Alebein mailetako proba ere egin zuten, baina Marlaxkak ez zuen ordezkaririk eduki. Txapelketa suitzar erara jokatu zen. Haurren mailan, sei partida jokatu zituen jokalari bakoitzak. Morenok 6 puntu lortu zituen, Tafallek 4 eta erdi, eta hirugarren sailkatuak, Imanol Toledo bizkaitarrak, 4 puntu. Udaberriko I. Marlaxka Txapelketa Irungo Katea auzoko Errepublikaren erakinean, I. Udaberriko Marlaxka Xake Txapelketa egin dute asteburuan, 14 urtez azpikoentzat. Probaren helburua “Bidasoaldean dauden xake jokalari gaztetxoei aukera ematea da, bereziki, Hondarribian eta Irunen Marlaxkarekin xakean ikasten ari direnenei”. Antolatzaileek nabarmendu dute Irun eta Hondarribiko ikastetxe guztietako haurrek parte hartu dutela, “baita Hendaiako ikastetxe batekoak”. Txapelketa suitzar erara jokatu zuten, bost txandetako hamar minutuko partidetan. Hiru mailan banatu zituzten haurrak, 8, 10 eta 14 urtez azpikoetan. Marlaxka taldeak Landetxako Auzolagunen Elkartearen laguntza eskertu du.

Udaberriko I. Marlaxka Txapelketa

8 urtez azpikoak

Irabazlea: Asier Calvo
Bigarrena: Iker Tafall

10 urtez azpikoak

Irabazlea: Hodei Herrera
Bigarrena: Nathaniel Ibarra

14 urtez azpikoak

Irabazlea: Pablo Zaporta
Bigarrena: Jokin Etxaniz

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.