Txikiena izan da Bikingo Egunaren hasiera

Bi egunez, irristatze kirolen hiriburu izango da Hondarribia. HS2 Klubak antolatu du VI. Bikingo Eguna.

Asier Perez-Karkamo

2016/05/28

Haur talde bat, SUP taula erraldoi baten gainean

Haurrak izan dira protagonista Hondarribiko SUP Klubak (HS2) antolatutako VI. Bikingo Egunaren abiatzean. Bi egunez, irristatze kirolen hiriburu izango da Hondarribia, eta gaurko egitarauan haur eta gaztetxoak leku handia izaten ari dira. Eguraldia lagun, haurrentzako SUK Kopa egin dute gaur goizean, eta parte hartzea oso handia izan da. Lehiatu ez direnek SUP taula erraldoiak probatzeko aukera izan dute, eta ondo baino hobeto gozatu dute, uretara salto egin eta berriro taulara igotzen. Izan ere, lehiarako bakarrik ez, irristatzeko modalitate ezberdinak ezagutzeko eta ondo pasatzeko ere bada Bikingo Eguna. Arratsaldean Axi Muniainen erakustaldia egongo da; lehorrean ariko da zarauztarra, Carver skate taulen gainean. Biharko helduen lehiaketa nagusiak utzi dituzte, horien artean Espainiako SUP Kopako proba, adin eta modalitate guztietan.

Egitaraua

Larunbata

11:30–14:00. SUP Kopa Kids txapelketa, 10, 12 eta 14 urtez azpikoentzat.
14:00–14:30 #Izangood. Artzai Gomezen —Aritz Aranbururen managerra— hitzaldia kirolarientzako elikadura osasungarriari buruz, uretako kirolei zuzendua.
14:30. Parte hartzaileen bazkaria.
16:00-17:00. SUP Irekia, sprint modalitatean. 18 urte azpiko eta gorakoentzat.
17:30-20:00. Carver Skate. Axi Muniainen erakustaldia eta ondoren txapelketa, 18 urtetik beherakoentzat.
20:30. Surf Edits lehiaketaren 2. ekitaldia. Surfeko film laburrak ikusteko aukera.
23:00etan. Bikingo Jaia, Itxaropena tabernan.

Igandea

10:00. Izen emateak.
11:00. Breafing SUP.
11:30. Espainiako SUP Kopa, modalitate eta adin guztietan. 6 eta 12 kilometroko lasterketak. Musika zuzenean Indian feathers taldearekin.
14:30. Parte hartzaileen bazkaria.
16:00. Sari banaketa.
16:30- Txiki Jaia XL, 4 urteko haurrentzat.
17:30. DecaSUP XL txapelketa. Taula erraldoiak dira DecaSUP taulak eta bakoitzean bost pertsona lehiatuko dira.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.