Alex Txikonek 'Neguko udaberria' kontatuko du gaur Itsas Etxean

Otsailean Nanga Parbat igo zuen, neguan igo den bigarren zortzimilakoa.

Asier Perez-Karkamo

2016/05/24

Ali Sadpara eta Alex Txikon Nanga Parbat tontorrean

Otsailaren 26an espedizio batek Nanga Parbat mendiko (8.126 metro) tontorra igo zuen. Lehen aldia izan zen mendi hori neguan igotzea lortzen zutena, eta lau mendigoizalek egin zuten balentria hori: Ali Sadpara pakistandarrak, Simone Moro eta Tamara Lungfer italiarrek, eta Alex Txikon lemoarrak. Abentura gogoangarri hori hondarribiarrekin konpartituko du Txikonek gaur Itsas Etxea Auditoriumean. 20:00etatik aurrera Nanga Parbat, Primavera invernal hitzaldia emango du eta sarrerak Internetez eros daitezke, 3 euro. Hitzaldia, espedizioko irudiekin lagunduko du bizkaitarrak. Kontuan izanik telebistako kamera bezala duen eskarmentua —Al filo de lo imposible telebista saioko altuerako kamera izan zen—, interesgarriaz gain, ikusteko modukoa izango da.

Alex Txikon. Abentura aipagarrienak

Zortzimilakoak

2003. Broad Peak (8.051m)
2004. Makalu (8.463m) eta Cho Oyu (8.201m)
2007. Shisha Pangma (8.027m)
2008. Dhaulagiri (8.167m) eta Manaslu (8.163m)
2010. Annapurna (8.091m) eta Shisha Pangma (errepikapena)
2011. Gasherbrum I (8.080m) eta Gasherbrum II (8.035m) 6 egunetan
2013. Lhotse (8.515m)
2016. Nanga Parbat (8.126m)

Neguko espedizioak

2011. Gasherbrum I (8.080m). 7.000 metro arte
2012. Gasherbrum I (8.080m). Bide berria 7.400 metro arte
2013. Laila Peak (6.096m). Lehenengo neguko igoera
2015. Nanga Parbat (8.126m). Kinshofer Bidea 7.850 metro arte
2016. Nanga Parbat (8.126m). Lehenengo neguko igoera

Beste jarduera aipagarri batzuk

2006. Antartida. Scott (880m), Shackelton (1.465m, bide berria) eta Wandell (2.397m, sekula eskalatu gabea)
2004, 2011, 2013. Hiru saiakera K2an (8.611m). Cessen eta Abruzzi bideetatik
2012. Groenlandia. Ulamertosuaq (1.858, bide berria)
2013. Nuptse (7.861). Gailurretik 20m-ra, tontor ertzean
2014. Kangchenjunga (8.586m). Alpetar estiloa Ipar isurialdetik 8.500m arte
2014. Izen Gabeko Dorrea (6.251m). ‘Ethernal Flame’ 36 ordutan
2015. Thalay Sagar (6.904m). Bide berria Ipar-Mendebaldeko pilarean 6.420m arte. Askatasun Taupadak

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.