Hartu Trena kanpainaren geltoki izango da Hondarribia igandean
Igande eguerdirako hainbat jarduera antolatu dituzte Portuan.
Euskal presoen eta iheslarien eskubideen aldeko Sare Herritarra plataformako Hondarribiko taldeak, Hartu Trena kanpainaren barruko ekitaldia antolatu du Portuan iganderako, hilak 15. Portura, San Pedro kalera iritsiko da kanpainako trena, eta hainbat jarduera prestatu dituzte 13:00etatik aurrera: “Geltokia prestatu diogu, eta bertan poema irakurketa, kontu kontalaria, kantak, tortilla pintxoak, sagardoa eta giro ona izango da”, azaldu du Hondarribiko Sarek.
Ekitaldi jendetsua izatea nahi dute, eta herritarrei deia luzatu diete, ekitaldira hurbiltzeko. “Bagoia euskal presoen giza eskubideen alde dagoen jendearekin bete, eta argazkia aterako dugu. Trena hartzera gonbidatuta zaude”, erantsi dute antolatzaileek.
Hartu trena kanpainako ekitaldi bat, errenteria-oreretan
