Eta jaietako kartela hau balitz?
Alardeko emakume soldadu bat agertzen da, kantinera baten alboan, txilibitua jotzen.
Aurtengo San Pedro eta San Martzial Jaietako kartelen lehiaketako bost finalistetako kartel bat ez ohikoa da. La flautista y la cantinera (Txilibitu jotzailea eta kantinera) du izena, eta alardeko emakume soldadu bat agertzen da, kantinera baten alboan, txilibitua jotzen.
Orain, herritarrek erabaki behar dute hori ala beste bat izango den Irungo jaiak iragarriko dituen kartela. Botoa Internet bidez edo CBA liburutegian egokitu den toki batean eman ahal izango dute. Botoa emateko baldintzak Irunen erroldatua egotea eta 16 urtetik gora edukitzea dira. Datorren astelehenera arte, hilak 16, bozkatu ahal izango da.
37 lan aurkeztu dira aurtengo kartel lehiaketara, eta batzorde artistiko baten deliberazioaren ondoren aukeratu dituzte bost kartelak. Batzorde artistiko hori arte, komunikazio, diseinu eta argazkilaritza munduko pertsonekin osatutakoa da.
La flautista y la cantinera Irungo jaietako kartela izateko bost finalistetako bat
