Txomin Sagarzazu: "Kontzientziazioa eta sentsibilizazioa ikaragarriak dira"
Hondarribiko alkatearen ustez, Emeki elkarteak asmatu du errefuxiatuen aldeko kanapainaren saretze lanean.
Kamioiak Greziara abiatu aurretik atzo Emeki elkarteak antolatutako ekitaldi publikora hurbildu zen Txomin Sagarzazu Hondarribiko alkatea. Astelehenean bidaiatuko duten sei emakume boluntarioekin mintzatu zen, eta Emekiko kideak zoriondu zituen, egindako lanagatik. “Emeki bide erakusle gertatzen ari zaigu kanpaina honekin. Bi alderdi nabarmenduko nituzke, bat, zalantzarik gabe, herri mailakoa, eta bestetik, saretze lan horretan asmatu dutela. Elkarte baten inguruan lortu duten herritarren sarea zoriontzeko modukoa da”.
Alkatearen ustez, gizartea errefuxiatuen dramarekin hunkituta dago, eta aukera izan dutenean, laguntza eskaini dute: “Zalantzarik ez dago kontzientziazioa eta sentsibilizazioa ikaragarriak direla”.
Astelehenean iritsiko dira bi trailerrak Katsikaseko errefuxiatuen kanpalekura. Boluntarioek egun horretan bidaiatuko dute, eta asteartetik ostiralera egingo dute banaketa, Olvidados gobernuz kanpoko erakundearen laguntzarekin.
Bi trailer bete arropa atera dira Hondarribitik Greziara bidean
