Liburu usaina Irunen
Gaur arratsaldean poesia errezitala egingo dute CBA liburutegian.
Liburuaren Eguna izango da bihar, baina dagoeneko motorrak bero-bero dituzte Irunen. Gaur, esaterako, liburu azoka hasi da Zabaltza plazan, eta igandera arte nahikoa liburu eskaintza izango da nahi duenak erosi ahal izateko.
Horrez gain, gaur arratsaldean poesia errezitala egingo dute CBA liburutegian, 19:00etatik aurrera. Wislawa Szymborska olerkigile, idazle eta itzultzaile poloniarraren eta Literaturako Nobel saridunaren obra irakurriko du Javier Sistiagak, eta pianoan lagun izango du Esther Barandiaran.
Horrez gain, astelehenean, esaterako, euskara eta gaztelaniazko liburu bana irakurri zituzten: Arantxa Urretabizkaiaren Zuri beltzeko argazkiak eta On Kixote. Bihar arte jarraituko dute irakurtzen Miguel de Cervantesen obra.
Bookcrossing-a
Liburuaren Egunaren harira ere, bookcrossing deitzen den jarduera ere egingo dute. Iparralde hiribidean hainbat liburu banatuko dituzte, eta helburua da jendeak hartzea, eta era berean, eurek ere liburu bat uztea hiriko beste txokoren batean beste norbaitek irakurri dezan. Abenida zubian uztera animatu dute, aurten 100 urte beteko dituelako.
Arantxa Urretabizkaiaren ‘Zuri beltzeko argazkiak’ irakurri dute CBAn liburu egunaren harira.
