Bakailaoa, pintxoetan errege
Gaurtik hasi eta maiatzaren 1era arte, 42 tabernek parte hartuko dute Gipuzkoako Bakailao Pintxo Txapelketan.
42 tabernek parte hartuko dute Gipuzkoako Bakailao Pintxo Txapelketan. Bigarrenez egingo dute aurten, eta Irun erdigunea izango da. Batetik, sari banaketa bertan egingo delako, eta bestetik, Bidasoko bakailako enpresak eta Bacalao Saborealo elkarteak babestu dutelako txapelketa.
Gaur egin dute aurkezpena Irungo Palace kafetegian. Partaideek bakailaoa osagai nagusi izanda, pintxo bat prestatu beharko dute, beste osagai batzuez lagunduta.
Alberto Santiago Bidasoko Bakailao Enpresen presidenteak jakinarazi duenez, lehen ekitaldian “maila oso altua” izan zuten pintxoek, eta aurten ere modu berekoa izatea espero dute.
Lehiaketa gaur bertan hasiko da, eta maiatzaren 1era arte luzatuko da. Maiatzaren 2an egingo dute sari banaketa Irunen. Antolatzaileek jakinarazi dutenez, 3 euro izango da pintxoen gehienezko prezioa. Horrez gain, “prezio berezi” baten truke Amstel Oro garagardoaz lagundu ahal izango da pintxoa.
bakailao pintxo txapelketaren aurkezpena
