Txalaparta eguna egingo dute igandean
Meakako auzo elkartearen eskutik, Txalaparta Eguna egingo dute lehenengoz. Lau talde ariko dira musika tresna hori jotzen.
Meakako auzo elkartearen eskutik, Txalaparta Eguna iritsiko da igandean Irunera. Goizean goizetik iluntzera arte makilen doinuak entzun ahal izango dira Meaka auzoan, eta antzinako musika tresna horren nondik norakoak ezagutu ahal izango da.
Lehenengo ekitaldia izango du Txalaparta Egunak aurtengoa. Lau taldek joko dute txalaparta, eta binaka banatuko dituzte. Auzoko taberna bakoitzean joko du bakoitzak: lehen bi taldeak 11:30ean, eta bigarrenak 12:30ean.
Horrez gain, haurrentzako tailerrak izango dira auzo elkartean. Musika tresna hori zer den, nondik datorren eta nola jotzen den ikasi ahal izango dute bai goizean baita arratsaldean ere.
Artisau produktuak ere ikusi eta erosteko aukera ere izango da. Guztira, zortzik jarriko dituzte postuak.
Eguerdian, gainera, bazkaria izango da elkartean. Sarrerak dagoeneko salgai daude auzoko tabernetan 15 euroan.
Egitaraua
- 11:00: Kalejira erraldoi eta buru handiekin Olatik aterata.
- 11:00: Artisau azoka auzoko tabernetan.
- 11:30: Txalaparta tailerra auzo elkartea.
- 11:30: Txalapartariak Olan eta Amona Kattalin Txokoan.
- 12:30: Haurren Dantza Auzo Elkartean.
- 12:30: Txalapartariak La Juanita eta Borda Txikin
- 13:30: Kalejira, amaiera Borda Txikin.
- 14:00: Herri bazkaria auzo elkartean. Txartelak auzoko tabernetan salgai daude.
- 17:00: Muxikoak auzo elkartean.
- 17:50: Oroitzapenezko diploma banaketa.
- 18:00: Txalaparta birakaria auzo elkartean.
Txalaparta eguna Meakako auzo elkarteak antolatu du.
